«Эвертон» «Арсенал» жамоаси ҳужумчиси Габриэль Жезусни ўз таркибига қўшиб олишни истамоқда. Бу ҳақда Football Insider хабар бермоқда.

Потенциал трансфернинг асосий муаммоси — «Арсенал»нинг 29 ёшли футболчи учун сўраётган нархидир. Манбага кўра, «ирислар» (Эвертон) бразилиялик футболчи учун 20 миллион фунт стерлинг ёки ҳозирги курс бўйича 23 миллион евро тўлашга тайёр эмас.

«Эвертон» учун яна бир «бош оғриқ» бу — футболчининг маоши. Жезус «Арсенал»даги энг юқори маош олувчи ўйинчилардан бири ҳисобланади.

Ўтган мавсумда Жезус 27 та ўйинда атиги олтита гол урди. У мавсумнинг ярмини тиззасидан олган оғир жароҳат туфайли ўтказиб юборган эди.