Londonning «Arsenal» klubi sobiq futbolchisi Bakari Sanya yakunlangan mavsumda jamoaning eng yaxshi o‘yinchisi kim bo‘lganini aytdi.

«Kanonirlar» (to‘pchilar) oxirgi 22 yil ichida ilk bor Premyer-ligada g‘olib chiqishdi, shuningdek, o‘z tarixlaridagi ilk YECHL g‘olibligiga ham juda yaqin kelishdi. Mikel Arteta jamoasi muvaffaqiyatining bosh ijodkorlari sifatida ko‘pincha Deklan Rays, Gabriel dos Santos va David Rayya alohida ajratib ko‘rsatilayotgan edi, biroq fransiyalik sobiq himoyachining o‘z nomzodi bor.

«Men uchun bu — Yurryen Timber, u juda ishonchli o‘yin namoyish etdi. Yakkama-yakka kurashlarda kuchli, hujumlarga juda yaxshi qo‘shiladi. Jamoaning eng barqaror o‘yinchisi, shubhasiz, u bo‘ldi. Agar mavsumning eng yaxshi futbolchisi sovrinini kimgadir topshirish kerak bo‘lsa, men Timberni tanlagan bo‘lardim», — deya Sanyaning so‘zlarini keltiradi Arsenal News Channel.

Ma’lumot uchun, Yurryen Timber o‘tgan mavsumda 44 ta uchrashuvda maydonga tushib, o‘z hisobiga 4 ta gol va 7 ta golli uzatmani yozdirib qo‘ydi.