Лондоннинг «Арсенал» клуби собиқ футболчиси Бакари Саня якунланган мавсумда жамоанинг энг яхши ўйинчиси ким бўлганини айтди.

«Канонирлар» (тўпчилар) охирги 22 йил ичида илк бор Премьер-лигада ғолиб чиқишди, шунингдек, ўз тарихларидаги илк ЕЧЛ ғолиблигига ҳам жуда яқин келишди. Микель Артета жамоаси муваффақиятининг бош ижодкорлари сифатида кўпинча Деклан Райс, Габриэль дос Сантос ва Давид Райя алоҳида ажратиб кўрсатилаётган эди, бироқ франциялик собиқ ҳимоячининг ўз номзоди бор.

«Мен учун бу — Юррьен Тимбер, у жуда ишончли ўйин намойиш этди. Яккама-якка курашларда кучли, ҳужумларга жуда яхши қўшилади. Жамоанинг энг барқарор ўйинчиси, шубҳасиз, у бўлди. Агар мавсумнинг энг яхши футболчиси совринини кимгадир топшириш керак бўлса, мен Тимберни танлаган бўлардим», — дея Санянинг сўзларини келтиради Arsenal News Channel.

Маълумот учун, Юррьен Тимбер ўтган мавсумда 44 та учрашувда майдонга тушиб, ўз ҳисобига 4 та гол ва 7 та голли узатмани ёздириб қўйди.