Mashhur italiyalik sobiq hujumchi Kristian Vyeri Rafael Leauning «Milan»dagi muammolari haqida o‘z fikrini bildirdi. Portugaliyalik futbolchi mavsum yakunlanishi bilanoq iste’foga chiqarilgan Massimiliano Allegri qo‘l ostida unchalik omadli bo‘lmagan mavsumni o‘tkazdi. Futbolchining o‘zi ham klubda qolishi amrimahol — u yozgi transfer oynasida jamoadan ketish niyati borligini ma’lum qilib ulgurgan.

«Leauni oqlashga urinish kerak emas, bu menga yoqmaydi. To‘g‘ri, u o‘z pozisiyasida o‘ynamadi, lekin baribir vaziyatga moslashishi va o‘zini ko‘rsatish yo‘lini topishi kerak edi. Agar seni markazga qo‘yishsa, hujumchidan nima talab qilinsa, shuni bajarishing lozim. Men uning tez-tez yana chap qanotga o‘tib ketaverganini ko‘p bor kuzatdim», — dedi Vyeri «Gazzetta dello Sport» nashriga bergan intervyusida.

Eslatib o‘tamiz, «rossonerilar» A Seriyaning ortda qolgan mavsumini beshinchi o‘rinda yakunladi.