Машҳур италиялик собиқ ҳужумчи Кристиан Вьери Рафаэль Леаунинг «Милан»даги муаммолари ҳақида ўз фикрини билдирди. Португалиялик футболчи мавсум якунланиши биланоқ истеъфога чиқарилган Массимилиано Аллегри қўл остида унчалик омадли бўлмаган мавсумни ўтказди. Футболчининг ўзи ҳам клубда қолиши амримаҳол — у ёзги трансфер ойнасида жамоадан кетиш нияти борлигини маълум қилиб улгурган.

«Леауни оқлашга уриниш керак эмас, бу менга ёқмайди. Тўғри, у ўз позициясида ўйнамади, лекин барибир вазиятга мослашиши ва ўзини кўрсатиш йўлини топиши керак эди. Агар сени марказга қўйишса, ҳужумчидан нима талаб қилинса, шуни бажаришинг лозим. Мен унинг тез-тез яна чап қанотга ўтиб кетаверганини кўп бор кузатдим», — деди Вьери «Gazzetta dello Sport» нашрига берган интервьюсида.

Эслатиб ўтамиз, «россонерилар» А Сериянинг ортда қолган мавсумини бешинчи ўринда якунлади.