Argentina terma jamoasi chap qanot himoyachisi Nikolas Talyafiko Jahon chempionatidagi ilk o‘yin arafasida jarohat oldi. “Lion” klubining 33 yoshli futbolchisi boldir mushagini shikastlab olgan.
Jurnalist Gaston Edulning ma’lumotlariga ko‘ra, “albiseleste” murabbiylar shtabi Talyafikoning guruh bosqichi 2-turidan o‘rin olgan Avstriyaga qarshi uchrashuvgacha (22 iyun) safga qaytishiga umid qilmoqda. Tajribali lateral Jazoirga qarshi kechadigan dastlabki o‘yinni (17 iyun) aniq o‘tkazib yuboradi.
Qayd etilishicha, Argentina terma jamoasida Nikolas Talyafikoni asosiy tarkibning muhim o‘yinchisi deb hisoblashadi, shu sababli uning pley-offning hal qiluvchi bahslarigacha optimal formaga kirib olishidan umidvor bo‘lishmoqda.













