Аргентина терма жамоаси чап қанот ҳимоячиси Николас Тальяфико Жаҳон чемпионатидаги илк ўйин арафасида жароҳат олди. “Лион” клубининг 33 ёшли футболчиси болдир мушагини шикастлаб олган.
Журналист Гастон Эдулнинг маълумотларига кўра, “альбиселесте” мураббийлар штаби Тальяфиконинг гуруҳ босқичи 2-туридан ўрин олган Австрияга қарши учрашувгача (22 июнь) сафга қайтишига умид қилмоқда. Тажрибали латераль Жазоирга қарши кечадиган дастлабки ўйинни (17 июнь) аниқ ўтказиб юборади.
Қайд этилишича, Аргентина терма жамоасида Николас Тальяфикони асосий таркибнинг муҳим ўйинчиси деб ҳисоблашади, шу сабабли унинг плей-оффнинг ҳал қилувчи баҳсларигача оптимал формага кириб олишидан умидвор бўлишмоқда.
