Fransiya terma jamoasi sobiq himoyachisi Frank Lebyof «Manchester Siti» yarim himoyachisi Rayan Sherkini ikki afsonaviy futbolchi — Zinedin Zidan va Diyego Maradona bilan solishtirdi.
«Sherki biroz Zidanga o‘xshaydi. Uning maydondagi harakatlari menga Zinedinni eslatadi. Bundan tashqari, to‘p bilan bunday ishlay oladigan Diyego Maradona va boshqa futbolchilarni ham tilga olish mumkin. Sherki maydonda aqlbovar qilmas ishlarni bajarmoqda», — deya sobiq futbolchining so‘zlarini keltiradi Goal portali.
Angliya Premyer-ligasining yakunlangan mavsumida 22 yoshli yarim himoyachi 33 ta uchrashuvda maydonga tushdi. Rayan ushbu bahslarda to‘rtta gol urdi va 12 ta golli uzatmani amalga oshirdi.
