Niderlandiya terma jamoasining 34 yoshli himoyachisi Virjil van Deyk jahon chempionatlari tarixida o‘z terma jamoasi safida gol urgan yoshi eng katta ikkinchi futbolchiga aylandi. Bu haqda Opta ma’lum qildi.
Yaponiya terma jamoasiga qarshi uchrashuv (2:2) vaqtida van Deyk 34 yosh 341 kunlik edi. Futbolchi bahsning 50-daqiqasida klubdoshi Rayan Gravenberxning uzatmasidan keyin bosh bilan aniq zarba yo‘llab, hisobni ochdi.
Niderlandiya terma jamoasi tarixida jahon chempionatlarida gol urgan yoshi eng katta futbolchi Jovanni van Bronkxorst bo‘lib qolmoqda. U 2010 yil JARda bo‘lib o‘tgan jahon chempionatining Urugvayga qarshi yarim final bahsida (3:2) uchrashuvning 18-daqiqasida gol urgan. O‘shanda futbolchi 35 yosh 151 kunlik bo‘lgan.
Niderlandiya terma jamoasining keyingi uchrashuvi 20 iyun kuni Xyuston shahrida bo‘lib o‘tadi. Jamoa Shvesiya terma jamoasiga qarshi maydonga tushadi. JCH–2026 guruh bosqichi 11 iyundan 27 iyunga qadar davom etadi.
JCH–2026. "F" guruhi, 1-tur
14 iyun, 2026 yil
Niderlandiya – Yaponiya – 2:2
Gollar: van Deyk (50) – Nakamura (57), Sammervill (64), Kamada (88).













