Afsonaviy hujumchi Lionel Messining AQSH, Meksika va Kanada mezbonlik qilayotgan JCH–2026da Argentina terma jamoasining ilk uchrashuvida maydonga tushishga tayyor ekani ma’lum bo‘ldi.
Taniqli insayder va jurnalist Fabrisio Romanoning ma’lum qilishicha, Messi jarohatidan to‘liq tiklangan va Jazoirga qarshi bahsni milliy jamoasining asosiy tarkibida boshlaydi.
Eslatib o‘tamiz, JCH–2026 guruh bosqichining 1-turidan o‘rin olgan Argentina — Jazoir uchrashuvi ertaga tongda bo‘lib o‘tadi. Bahs Toshkent vaqti bilan soat 06:00 da start oladi.
"J" guruhida shuningdek Avstriya va Iordaniya terma jamoalari ham ishtirok etmoqda.
Lionel Messi uchun mazkur mundial professional faoliyatidagi oltinchi jahon chempionati bo‘ladi.













