Angliya terma jamoasi va «Manchester Yunayted» yarim himoyachisi Kobbi Maynu bolaligida unga ilhom bag‘ishlagan futbolchilar haqida gapirdi. U uchta o‘yinchini alohida ajratib ko‘rsatdi.
«Ulg‘ayayotgan paytlarimda Ronaldinyoning o‘yinlarini tomosha qilish menga juda yoqardi. Biroz keyinroq esa Zeedorfga havas qila boshladim. Biz u bilan biroz muloqot qilib turamiz. Otam u bilan Yevropa chempionatida tanishgan edi», — deya Maynuning so‘zlarini keltiradi The Republik of Mancunia.
«Runi bolaligimda men uchun katta kumir bo‘lgan. Men endigina faoliyatimni boshlayotgan vaqtlarda u haqiqiy yulduz edi va «Manchester Yunayted» futbolchisi qanday bo‘lishi kerakligiga ajoyib namuna bo‘lib xizmat qilardi», — deya qo‘shimcha qildi Maynu.
Hozirgi vaqtda Maynu o‘z milliy terma jamoasi ixtiyorida bo‘lib turibdi. Jamoa JCH-2026 1-turidan o‘rin olgan Xorvatiyaga qarshi uchrashuvga tayyorgarlik ko‘rmoqda. O‘yin 17 iyun kuni bo‘lib o‘tadi.
