Англия терма жамоаси ва «Манчестер Юнайтед» ярим ҳимоячиси Кобби Майну болалигида унга илҳом бағишлаган футболчилар ҳақида гапирди. У учта ўйинчини алоҳида ажратиб кўрсатди.
«Улғаяётган пайтларимда Роналдиньонинг ўйинларини томоша қилиш менга жуда ёқарди. Бироз кейинроқ эса Зеедорфга ҳавас қила бошладим. Биз у билан бироз мулоқот қилиб турамиз. Отам у билан Европа чемпионатида танишган эди», — дея Майнунинг сўзларини келтиради The Republik of Mancunia.
«Руни болалигимда мен учун катта кумир бўлган. Мен эндигина фаолиятимни бошлаётган вақтларда у ҳақиқий юлдуз эди ва «Манчестер Юнайтед» футболчиси қандай бўлиши кераклигига ажойиб намуна бўлиб хизмат қиларди», — дея қўшимча қилди Майну.
Ҳозирги вақтда Майну ўз миллий терма жамоаси ихтиёрида бўлиб турибди. Жамоа ЖЧ-2026 1-туридан ўрин олган Хорватияга қарши учрашувга тайёргарлик кўрмоқда. Ўйин 17 июнь куни бўлиб ўтади.
