Fabio Kannavaro boshchiligidagi O‘zbekiston milliy terma jamoasi JCH-2026 guruh bosqichida Kolumbiyaga imkoniyatni boy berdi (1:3).
Shu tariqa, 52 yoshli mutaxassis Jahon chempionatida ham futbolchi (Italiya terma jamoasi safida maydonga tushgan), ham bosh murabbiy sifatida ishtirok etgan tarixdagi to‘rtinchi «Oltin to‘p» sohibiga aylandi.
Bungacha ushbu noyob ro‘yxatdan Frans Bekkenbauer (GFR terma jamoasida o‘ynagan va uni boshqargan), Marko van Basten (Niderlandiya terma jamoasida o‘ynagan va unga ustozlik qilgan) hamda Oleg Bloxin (SSSR terma jamoasida to‘p surgan va Ukraina terma jamoasini boshqargan) joy olgan edi.













