Qozog‘iston milliy terma jamoasi bosh murabbiyi Talg‘at Baysufinov JCH-2026 musobaqasida ishtirok etayotgan O‘zbekiston terma jamoasiga omad va ijobiy natijalar tiladi.

«Assalomu alaykum, ishlaringiz yaxshimi? Barchangiz sog‘-salomatsizlar, degan umiddaman!

O‘zbek muxlislari tomonidan qardosh xalqlar bayroqlarini birlashtirgan holda tashkil etilgan aksiya bizga ham juda ta’sir qildi. Bu juda to‘g‘ri tashabbus va to‘g‘ri yondashuv!

Biz chin dildan milliy terma jamoangizga muxlislik qilamiz va faqat ijobiy natijalar tilaymiz.

Shaxsan mening fikrimcha, kamida sizlar mag‘lub bo‘lmaysizlar, eng yaxshi holatda esa g‘alaba qozonasizlar. Ichki hissiyotlarim shuni aytayapti. Biz mo‘’jizalar yarata olamiz. Sizlardan yaxshi o‘yin kutib qolamiz.

Sizlarga omad tilayman. Futboldagi muvaffaqiyatning o‘rni beqiyos. Yigitlar ishonchni oqlaydi. Omad doimo yor bo‘lsin, olg‘a!» — dedi Baysufinov.

Eslatib o‘tamiz, O‘zbekiston terma jamoasi jahon chempionatlarining final bosqichiga chiqqan Markaziy Osiyodagi ilk jamoaga aylandi. Bugun Fabio Kannavaro boshchiligidagi jamoa JCH-2026 doirasidagi debyut uchrashuvini Kolumbiyaga qarshi o‘tkazdi.

Mexiko shahridagi «Asteka» stadionida bo‘lib o‘tgan bahsda o‘zbekistonliklar mag‘lub bo‘lgan bo‘lsa-da, qanot hujumchisi Abbosbek Fayzullayev O‘zbekistonning jahon chempionatlari tarixidagi ilk goliga mualliflik qildi.