Futbol bo‘yicha 2026 yilgi jahon chempionati «C» guruhi 2-turidan o‘rin olgan Shotlandiya va Marokash terma jamoalari o‘rtasidagi uchrashuv yakunlandi. Jamoalar Foksboro (AQSH) shahridagi «Jillett» stadionida to‘qnash kelishdi. Uchrashuvda o‘zbekistonlik Ilgiz Tantashev bosh hakamlik qildi. Afrika jamoasi futbolchilari 1:0 hisobida g‘alaba qozonishdi.
O‘yindagi yagona gol ikkinchi daqiqada kiritildi. Marokash terma jamoasi hujumchisi Ismael Saybari o‘z nomini tabloga yozdirib qo‘ydi.
«C» guruhining 1-turida Shotlandiya terma jamoasi Gaitini mag‘lub etgandi (1:0), Marokash esa Braziliya bilan durang o‘ynagandi (1:1). So‘nggi turda shotlandiyaliklar Braziliya bilan (25 iyun), marokashliklar esa Gaiti bilan (shuningdek, 25 iyun kuni) kuch sinashadi.
