Футбол бўйича 2026 йилги жаҳон чемпионати «C» гуруҳи 2-туридан ўрин олган Шотландия ва Марокаш терма жамоалари ўртасидаги учрашув якунланди. Жамоалар Фоксборо (АҚШ) шаҳридаги «Жиллетт» стадионида тўқнаш келишди. Учрашувда ўзбекистонлик Илгиз Танташев бош ҳакамлик қилди. Африка жамоаси футболчилари 1:0 ҳисобида ғалаба қозонишди.
Ўйиндаги ягона гол иккинчи дақиқада киритилди. Марокаш терма жамоаси ҳужумчиси Исмаэль Сайбари ўз номини таблога ёздириб қўйди.
«C» гуруҳининг 1-турида Шотландия терма жамоаси Гаитини мағлуб этганди (1:0), Марокаш эса Бразилия билан дуранг ўйнаганди (1:1). Сўнгги турда шотландияликлар Бразилия билан (25 июнь), марокашликлар эса Гаити билан (шунингдек, 25 июнь куни) куч синашади.
