Ispaniya terma jamoasi chap qanot himoyachisi Mark Kukurelya faoliyatida keskin burilish yasab, «Chelsi»dan Madridning «Real» klubiga o‘tishga qaror qildi.

Ushbu transfer 15 iyun kuni rasman e’lon qilingan edi. Ma’lum bo‘lishicha, «qaymoqranglilar»ning yangi bosh murabbiyi Joze Mourinyo ispaniyalik futbolchini o‘z jamoasiga o‘tishga shaxsan ko‘ndirgan. ESPN nashri tarqatgan ma’lumotlarga ko‘ra, portugaliyalik mutaxassis bilan telefon orqali gaplashgan Kukurelya ushbu murabbiyning mayda detallarga bo‘lgan e’tiboridan hayratda qolgan.

Xususan, suhbat davomida «The Special One» Kukurelyaning 2025 yil sentyabr oyida Chempionlar ligasi doirasida «Chelsi» va «Benfika» o‘rtasida kechgan bahsdagi muayyan taktik harakatlarini sinchiklab eslab o‘tgan. Joze mana shu usul orqali Markni u haqiqatan ham «Real» uchun juda zarur futbolchi ekanligiga ishontira olgan.

Eslatib o‘tamiz, Mourinyo o‘tgan mavsum yakuniga qadar «Benfika» klubini boshqarib kelayotgan edi. Yozda esa u bundan 13 yil avval tark etgan sobiq jamoasi — Madridning «Real» klubiga bosh murabbiy sifatida qaytishga qaror qildi.