Urugvay terma jamoasi bosh murabbiyi Marselo Byelsa 2026 yilgi jahon chempionati H guruhi 2-turi doirasidagi Kabo-Verdega qarshi o‘yin oldidan yarim himoyachi Federiko Valverdening o‘yindagi roli haqida gapirib o‘tdi.
«Valverde — to‘pga egalik qilganda yanada kuchayib ketadigan o‘yinchi. Ehtimol, o‘ng qanotdagi o‘yin [Saudiya Arabistoniga qarshi bahsda] unga kelib tushgan paslar sonini kamaytirgandir. Ammo ba’zida futbolchini to‘pga atigi bir necha marta tegilgani uchun tanqid qilishlari mumkin. Ammo boshqa holatlar ham bo‘ladi, masalan, «Real»ning «Manchester Siti»ga qarshi o‘yini [CHL 2025/2026 mavsumi 1/8 finali], o‘shanda Valverde to‘pga to‘rt marta teginib, shu teginishlar evaziga jamoasiga g‘alaba keltirgandi.
Federiko — eng yuqori darajadagi futbolchi. U dinamik, turli pozisiyalarda to‘pni ishonchli qabul qiladi, gol urishga, uzoqdan zarba berishga, uzatmalar amalga oshirishga, kutilmaganda oldinga yorib kirishga, tinimsiz mehnat qilishga va to‘pni qaytarib olishga qodir. O‘yinida bunchalik ko‘p qirralarga ega bo‘lgan futbolchilar juda kam», — deya Byelsaning so‘zlarini keltiradi FIFA rasmiy sayti.
