Уругвай терма жамоаси бош мураббийи Марсело Бьелса 2026 йилги жаҳон чемпионати H гуруҳи 2-тури доирасидаги Кабо-Вердега қарши ўйин олдидан ярим ҳимоячи Федерико Вальверденинг ўйиндаги роли ҳақида гапириб ўтди.
«Вальверде — тўпга эгалик қилганда янада кучайиб кетадиган ўйинчи. Эҳтимол, ўнг қанотдаги ўйин [Саудия Арабистонига қарши баҳсда] унга келиб тушган паслар сонини камайтиргандир. Аммо баъзида футболчини тўпга атиги бир неча марта тегилгани учун танқид қилишлари мумкин. Аммо бошқа ҳолатлар ҳам бўлади, масалан, «Реал»нинг «Манчестер Сити»га қарши ўйини [ЧЛ 2025/2026 мавсуми 1/8 финали], ўшанда Вальверде тўпга тўрт марта тегиниб, шу тегинишлар эвазига жамоасига ғалаба келтирганди.
Федерико — энг юқори даражадаги футболчи. У динамик, турли позицияларда тўпни ишончли қабул қилади, гол уришга, узоқдан зарба беришга, узатмалар амалга оширишга, кутилмаганда олдинга ёриб киришга, тинимсиз меҳнат қилишга ва тўпни қайтариб олишга қодир. Ўйинида бунчалик кўп қирраларга эга бўлган футболчилар жуда кам», — дея Бьелсанинг сўзларини келтиради ФИФА расмий сайти.
