Norvegiya milliy terma jamoasi hujumchisi Erling Xoland JCH-2026 guruh bosqichi 3-turidan o‘rin olgan Fransiyaga qarshi bo‘lajak bahs haqida o‘z fikrlarini bildirdi.
«Rostini aytsam, hozir bu o‘yin meni unchalik ham qiziqtirmayapti! Biz keyingi bosqichga chiqdik, navbatdagi davraga yo‘llanmani qo‘lga kiritdik, bu ajoyib natija. Shuning uchun bu uchrashuv men uchun katta ahamiyatga ega emas. Ehtimol, ular bizni mag‘lub etadi va turnirda g‘olib bo‘ladi», — dedi Xoland Actu Foot ijtimoiy tarmoqdagi sahifasiga bergan izohida.
Ikki turdan keyin Norvegiya terma jamoasi 6 ochko to‘plab, pley-off bosqichiga chiqishni kafolatladi va "I" guruhda ikkinchi o‘rinni egallab turibdi. Xuddi shuncha ochkoga ega Fransiya esa qo‘shimcha ko‘rsatkichlar bo‘yicha birinchi o‘rinda joylashgan.













