«Chelsi» «Atalanta» himoyachisi Marko Palestraning transferi bo‘yicha faol muzokaralar olib bormoqda.

«The Athletic» ma’lumotlariga ko‘ra, klublar yaqin 24 soat ichida yakuniy kelishuvga erisha olishlari kutilmoqda.

«Inter» ham qiziqish bildirgan 21 yoshli italiyalik futbolchi, «Chelsi» va «Atalanta» o‘zaro kelishuvga erishgan taqdirda, faoliyatini APLda davom ettirishni afzal ko‘radi.

Ushbu mavsumni Palestra «Kalyari»da ijarada o‘tkazdi va A Seriyaning 37 ta o‘yinida bitta gol urib, 4 ta golli uzatmani amalga oshirdi.