Madridning «Atletiko» klubi argentinalik hujumchisi Xulian Alvares «Manchester Yunayted»ning qiziqishlar ro‘yxatidan joy olgan. Bu haqda jurnalist Markos Dyuran xabar bermoqda.

Manbaning ta’kidlashicha, «qizil iblislar» vakillari allaqachon hujumchining agenti bilan bog‘lanishgan. «Barselona», «Arsenal» va «PSJ» ham 26 yoshli futbolchiga bo‘lgan qiziqishini saqlab qolmoqda.

Qayd etilishicha, «Manchester Yunayted»ning Chempionlar ligasiga qaytgani va klubning mustahkam moliyaviy holati inglizlarni Alvares uchun jiddiy da’vogarga aylantirmoqda.

2025/26 yilgi mavsumda hujumchi barcha musobaqalarda 49 ta o‘yinda maydonga tushib, 20 ta gol urdi va o‘z hisobiga to‘qqizta golli uzatmani yozib qo‘ydi.