Мадриднинг «Атлетико» клуби аргентиналик ҳужумчиси Хулиан Альварес «Манчестер Юнайтед»нинг қизиқишлар рўйхатидан жой олган. Бу ҳақда журналист Маркос Дюран хабар бермоқда.

Манбанинг таъкидлашича, «қизил иблислар» вакиллари аллақачон ҳужумчининг агенти билан боғланишган. «Барселона», «Арсенал» ва «ПСЖ» ҳам 26 ёшли футболчига бўлган қизиқишини сақлаб қолмоқда.

Қайд этилишича, «Манчестер Юнайтед»нинг Чемпионлар лигасига қайтгани ва клубнинг мустаҳкам молиявий ҳолати инглизларни Альварес учун жиддий даъвогарга айлантирмоқда.

2025/26 йилги мавсумда ҳужумчи барча мусобақаларда 49 та ўйинда майдонга тушиб, 20 та гол урди ва ўз ҳисобига тўққизта голли узатмани ёзиб қўйди.