Angliya terma jamoasi hujumchisi Xarri Keyn Gana terma jamoasi bilan qayd etilgan durang (0:0) haqida fikr bildirdi.

Forvard raqib juda yaxshi himoyalanganini ta’kidladi. Keyn allaqachon Panamaga qarshi bo‘lajak bahs haqida o‘ylayotganini ma’lum qildi.

«To‘pga juda ko‘p egalik qilishimizni bilardik, ammo ular pastki kompakt blokda o‘ynab, juda yaxshi himoyalanishdi, bu esa maydon markazida va raqib yarim maydonida oldinga siljishni qiyinlashtirdi. Menimcha, birinchi va ikkinchi taymlarda biz sur’atni oshirdik va vaziyatlar yaratdik. Biz ikkinchi g‘alabamizni qo‘lga kiritmoqchi edik, lekin bu sodir bo‘lmadi. Umuman olganda, biz yaxshi holatdamiz va keyingi o‘yinni intiqlik bilan kutyapmiz», — dedi Keyn.

Xarri Keyn «Bavariya» safida yorqin mavsumni o‘tkazdi. Forvard jamoasiga Bundesliga, Germaniya Kubogi va Superkubogini qo‘lga kiritishda yordam berdi. Angliya terma jamoasi JCH-2026 guruh bosqichining ikkita o‘yinida to‘rt ochko jamg‘ardi. Jamoani Tomas Tuxel boshqarmoqda.