Portugaliya terma jamoasi bosh murabbiyi Roberto Martines Jahon chempionatining 1/16 finalida Xorvatiyaga qarshi bo‘lib o‘tadigan uchrashuv borasida o‘z fikrlarini bildirdi.

Portugaliyaliklar Kolumbiya bilan durang (0:0) o‘ynab, guruhda ikkinchi o‘rinni egallashdi. Xorvatlar ham o‘z kvartetlarida Angliyadan keyingi ikkinchi pog‘onadan joy olishdi.

«Biz 1/16 final yo‘llanmasini qo‘lga kiritdik, endi esa Xorvatiyaga qarshi o‘yinga tayyorgarlik ko‘rishimiz kerak. Ular Yevropadagi o‘zimiz yaxshi taniydigan raqib hisoblanadi. Maqsadimiz o‘zgarishsiz qolmoqda — har bir o‘yinda g‘alaba qozonish. Vazifalar ham, jarayon ham o‘zgarmaydi. Hozir biz bor e’tiborimizni tiklanishga qaratganmiz», — dedi Martines matbuot anjumanida.

Portugaliya — Xorvatiya to‘qnashuvi 3 iyul kuni bo‘lib o‘tadi.