Португалия терма жамоаси бош мураббийи Роберто Мартинес Жаҳон чемпионатининг 1/16 финалида Хорватияга қарши бўлиб ўтадиган учрашув борасида ўз фикрларини билдирди.
Португалияликлар Колумбия билан дуранг (0:0) ўйнаб, гуруҳда иккинчи ўринни эгаллашди. Хорватлар ҳам ўз квартетларида Англиядан кейинги иккинчи поғонадан жой олишди.
«Биз 1/16 финал йўлланмасини қўлга киритдик, энди эса Хорватияга қарши ўйинга тайёргарлик кўришимиз керак. Улар Европадаги ўзимиз яхши танийдиган рақиб ҳисобланади. Мақсадимиз ўзгаришсиз қолмоқда — ҳар бир ўйинда ғалаба қозониш. Вазифалар ҳам, жараён ҳам ўзгармайди. Ҳозир биз бор эътиборимизни тикланишга қаратганмиз», — деди Мартинес матбуот анжуманида.
Португалия — Хорватия тўқнашуви 3 июль куни бўлиб ўтади.
