Braziliya terma jamoasi yarim himoyachisi Vinisius Junior 2026 yilgi jahon chempionati guruh bosqichidagi barcha uchta o‘yinning eng yaxshi futbolchisi deb topildi va ushbu sovrin bilan bog‘liq noyob natijani takrorladi.
Ispaniyalik jurnalist Aleksis Martin-Tamayo o‘zining X ijtimoiy tarmog‘idagi sahifasida xabar berishicha, Vinisius argentinalik Lionel Messi va portugaliyalik Krishtianu Ronaldudan keyin jahon birinchiligi guruh bosqichidagi barcha uchta o‘yinda uchrashuvning eng yaxshi futbolchisi bo‘la olgan tarixdagi uchinchi o‘yinchiga aylandi. Messi ushbu natijaga 2014 yilda, Ronaldu esa 2010 yilda erishgan edi.
Vinisiusning joriy JCHdagi hisobida jami to‘rtta gol va bitta golli uzatma mavjud. Braziliya pley-offning 1/16 finalida Yaponiyaga qarshi maydonga tushadi. Uchrashuv bugun, 29 iyun kuni bo‘lib o‘tadi.
