Бразилия терма жамоаси ярим ҳимоячиси Винисиус Жуниор 2026 йилги жаҳон чемпионати гуруҳ босқичидаги барча учта ўйиннинг энг яхши футболчиси деб топилди ва ушбу соврин билан боғлиқ ноёб натижани такрорлади.

Испаниялик журналист Алексис Мартин-Тамайо ўзининг Х ижтимоий тармоғидаги саҳифасида хабар беришича, Винисиус аргентиналик Лионель Месси ва португалиялик Криштиану Роналдудан кейин жаҳон биринчилиги гуруҳ босқичидаги барча учта ўйинда учрашувнинг энг яхши футболчиси бўла олган тарихдаги учинчи ўйинчига айланди. Месси ушбу натижага 2014 йилда, Роналду эса 2010 йилда эришган эди.

Винисиуснинг жорий ЖЧдаги ҳисобида жами тўртта гол ва битта голли узатма мавжуд. Бразилия плей-оффнинг 1/16 финалида Японияга қарши майдонга тушади. Учрашув бугун, 29 июнь куни бўлиб ўтади.