Londonning «Arsenal» klubi hujumchisi Viktor Dyokeresh jamoani tark etishi mumkinligi haqidagi mish-mishlarga izoh berdi.
Shvesiyalik futbolchining nomi Madridning «Atletiko» klubi bilan bog‘lanayotgan edi. Bu haqdagi savolga javob berar ekan, 28 yoshli hujumchi faoliyatida o‘zgarish qilish haqida o‘ylamayotganini ma’lum qildi.
«Boshqa klublar menga qiziqish bildirayotganini ko‘rish yoqimli, albatta, lekin men «Arsenal»da o‘zimni juda qulay his qilyapman. Birinchi mavsumdan keyin menda faqat ijobiy taassurotlar qoldi. Turli mish-mishlar haqida bosh qotirmayapman. Oldinda meni terma jamoa safidagi muhim o‘yin kutmoqda — ayni damda bor e’tiborimni shunga qaratganman», — deya Dyokereshning so‘zlarini keltiradi Arsenal Radar.
Eslatib o‘tamiz, 1 iyul kuni Toshkent vaqti bilan 02:00 da JCH-2026 ning 1/16 finali doirasida Shvesiya va Fransiya terma jamoalari o‘rtasidagi uchrashuv bo‘lib o‘tadi.
