Niderlandiya terma jamoasining sobiq futbolchisi Rafael van der Vaart yarim himoyachi Frenki de Yongning JCH-2026 1/16 finali doirasidagi Marokashga qarshi bahsda ko‘rsatgan o‘yiniga baho berdi.
«Bu men ko‘rgan de Yong ishtirokidagi eng yomon o‘yin bo‘ldi. Bu odamni xafa qiladi. Frenki jamoa to‘pga egalik qilgan paytda o‘zini yaxshi ko‘rsatadi. Biroq bo‘lib o‘tgan uchrashuvda bizda to‘p nazorati juda kam bo‘ldi. Shu sababli de Yong maydonda ko‘zga tashlanmadi», — deya Rafael van der Vaartning so‘zlarini keltiradi Voetbal.
Eslatib o‘tamiz, uchrashuvning asosiy va qo‘shimcha vaqtlari 1:1 hisobidagi durang bilan yakunlandi. Penaltilar seriyasida esa Ronald Kuman shogirdlari uchta zarbani golga aylantira olishmadi va 2:3 hisobida imkoniyatni boy berishdi.
