Нидерландия терма жамоасининг собиқ футболчиси Рафаэль ван дер Ваарт ярим ҳимоячи Френки де Йонгнинг ЖЧ-2026 1/16 финали доирасидаги Марокашга қарши баҳсда кўрсатган ўйинига баҳо берди.
«Бу мен кўрган де Йонг иштирокидаги энг ёмон ўйин бўлди. Бу одамни хафа қилади. Френки жамоа тўпга эгалик қилган пайтда ўзини яхши кўрсатади. Бироқ бўлиб ўтган учрашувда бизда тўп назорати жуда кам бўлди. Шу сабабли де Йонг майдонда кўзга ташланмади», — дея Рафаэль ван дер Ваартнинг сўзларини келтиради Voetbal.
Эслатиб ўтамиз, учрашувнинг асосий ва қўшимча вақтлари 1:1 ҳисобидаги дуранг билан якунланди. Пенальтилар сериясида эса Рональд Куман шогирдлари учта зарбани голга айлантира олишмади ва 2:3 ҳисобида имкониятни бой беришди.
