“Bolaligimdan Jahon chempionatida o‘ynashni orzu qilardim” — Eldor Shomurodov

Futbol bo‘yicha O‘zbekiston milliy jamoasi sardori Eldor Shomurodov 2026 yilgi Jahon chempionatidagi ishtirok haqida o‘z fikrlarini bildirib o‘tdi. Hujumchi o‘zining ijtimoiy tarmoqdagi sahifasida muxlislarga minnatdorchilik bildirib, ilk mundialdagi hissiyotlari bilan o‘rtoqlashdi.

“Bolaligimdan Jahon chempionatida o‘ynashni orzu qilardim. Bugun esa bu orzum ushaldi. Buni hissiyotlarni so‘z bilan ta’riflab bo‘lmaydi. Natija biz kutgandek bo‘lmadi va bundan ham yaxshiroq bo‘lishi mumkin edi. Ammo bu yo‘l menga unutilmas xotiralar, bebaho tajriba va yanada kuchliroq bo‘lish imkonini berdi”, deydi Shomurodov.

Shuningdek, futbolchi O‘zbekiston sharafini yirik musobaqa himoya qilish uning uchun katta faxr ekanini alohida ta’kidlab o‘tdi.

“Eng muhimi, O‘zbekiston milliy jamoasi sharafini Jahon chempionatida himoya qilish men uchun ulkan faxr va mas’uliyat bo‘ldi. Yo‘limiz davomida meni va bizning milliy jamoamizni qo‘llab-quvvatlagan barchaga chin dildan rahmat. Yo‘limiz davom etadi”, deya so‘zlarini yakunlagan jamoa sardori.

Ma’lumot o‘rnida, O‘zbekiston milliy jamoasi o‘z tarixida ilk bor mundialda ishtirok etib, guruh bosqichidagi o‘yinlarda Kolumbiya, Portugaliya hamda Kongo DR vakillariga imkoniyatni boy berdi va turnirni erta tark etdi. Shunga qaramay, Eldor Shomurodovning Kongo DR darvozasiga kiritgan goli FIFA tomonidan JCH—2026 guruh bosqichining eng chiroyli gollari ro‘yxatiga kiritildi va hozirda bu sovrin uchun da’vogarlik qilmoqda.