Anxel di Mariya Argentinaning «Rosario Sentral» klubi bilan yangi shartnoma imzoladi. 38 yoshli futbolchining o‘z tug‘ilib o‘sgan shahri jamoasi bilan tuzgan yangi kelishuvi 2027 kalendar yilining boshiga qadar mo‘ljallangan.
Eslatib o‘tamiz, «Rosario Sentral» Anxel uchun qadrdon klub hisoblanadi. U o‘tgan yozda Lissabonning «Benfika» klubidan sobiq jamoasiga qaytib kelgan edi. Bungacha u o‘z faoliyati davomida Madridning «Real», «Manchester Yunayted», «PSJ» va «Yuventus» klublarida to‘p surgan.
Anxel Argentina terma jamoasidagi faoliyatini 2024 yilda yakunlagan edi, u milliy jamoada ilk bor 2008 yilda debyut qilgandi. Di Mariya «albiseleste» tarkibida 2022 yilgi Jahon chempioni hisoblanadi. Shu qishda u 39 yoshni qarshi oladi.
