«Roma» klubi o‘zining asosiy yosh iqtidorlaridan birini tarkibda saqlab qolish va shu bilan birga Yevropa grandlarining qiziqishini susaytirish maqsadida yarim himoyachi Nikkolo Pizilliga yuqori narx belgiladi.
Corriere dello Sport nashri tarqatgan ma’lumotlarga ko‘ra, Rim klubi 21 yoshli xavbek bo‘yicha keladigan takliflarni faqat 35 million yevrodan boshlansagina ko‘rib chiqishga tayyor. «Jallorossi» (rimliklar) shu tariqa futbolchiga xaridor bo‘layotgan potensial klublar uchun muzokaralarni qiyinlashtirmoqchi. Pizilliga da’vogarlar qatorida «Inter», «Portu», shuningdek, «Milan» va «Yuventus» klublari tilga olinmoqda.
Yakunlangan mavsumda Pizilli «Roma» safida 34 ta uchrashuvda maydonga tushib, o‘z hisobiga 4 ta gol va 4 ta golli uzatma yozdirib qo‘ydi.
