«Рома» клуби ўзининг асосий ёш иқтидорларидан бирини таркибда сақлаб қолиш ва шу билан бирга Европа грандларининг қизиқишини сусайтириш мақсадида ярим ҳимоячи Никколо Пизиллига юқори нарх белгилади.

Corriere dello Sport нашри тарқатган маълумотларга кўра, Рим клуби 21 ёшли хавбек бўйича келадиган таклифларни фақат 35 миллион евродан бошлансагина кўриб чиқишга тайёр. «Жаллоросси» (римликлар) шу тариқа футболчига харидор бўлаётган потенциал клублар учун музокараларни қийинлаштирмоқчи. Пизиллига даъвогарлар қаторида «Интер», «Порту», шунингдек, «Милан» ва «Ювентус» клублари тилга олинмоқда.

Якунланган мавсумда Пизилли «Рома» сафида 34 та учрашувда майдонга тушиб, ўз ҳисобига 4 та гол ва 4 та голли узатма ёздириб қўйди.