«Nottingem Forest» klubi Elliot Andersonning «Manchester Siti»ga transferidan tushgan mablag‘ni qayta investisiya qilish maqsadida «Liverpul» yarim himoyachisi Kyortis Jonsni sotib olish imkoniyatlarini ko‘rib chiqmoqda.
Jamoaga yangi bosh murabbiy Andoni Iraola kelganiga qaramay, 24 yoshli futbolchi muntazam o‘yin amaliyotiga ega bo‘lish uchun shu yozda «Enfild»ni tark etishga tayyor. Bu haqda tribalfootball.com nashri yozmoqda.
Jonsning «Liverpul» bilan shartnomasi yakunlanib bormoqda, shu sababli «qizillar» Kyortis uchun 35 milliondan 40 million funt sterlinggacha mablag‘ talab qilishyapti. Futbolchiga Italiya chempioni — Milanning «Inter» klubi ham da’vogarlik qilmoqda, biroq milanliklar hozircha bunday summani to‘lashga tayyor emaslar.
