«Ноттингем Форест» клуби Эллиот Андерсоннинг «Манчестер Сити»га трансферидан тушган маблағни қайта инвестиция қилиш мақсадида «Ливерпуль» ярим ҳимоячиси Кёртис Жонсни сотиб олиш имкониятларини кўриб чиқмоқда.
Жамоага янги бош мураббий Андони Ираола келганига қарамай, 24 ёшли футболчи мунтазам ўйин амалиётига эга бўлиш учун шу ёзда «Энфилд»ни тарк этишга тайёр. Бу ҳақда tribalfootball.com нашри ёзмоқда.
Жонснинг «Ливерпуль» билан шартномаси якунланиб бормоқда, шу сабабли «қизиллар» Кёртис учун 35 миллиондан 40 миллион фунт стерлинггача маблағ талаб қилишяпти. Футболчига Италия чемпиони — Миланнинг «Интер» клуби ҳам даъвогарлик қилмоқда, бироқ миланликлар ҳозирча бундай суммани тўлашга тайёр эмаслар.
