«Yuventus» va Argentina terma jamoasining sobiq hujumchisi Karlos Teves Italiya terma jamoasi atrofidagi vaziyat bo‘yicha o‘z fikrlarini bildirdi. «Skuadra Adzurra»ning navbatdagi bor jahon chempionatidan quruq qolganidan so‘ng, jamoada bir qator bo‘sh ish o‘rinlari, jumladan, bosh murabbiylik lavozimi yuzaga keldi.

«Italiya texnik direktorlik lavozimiga Maldinini olib kelishi mumkinligi haqidagi xabarlarni ko‘rdim. Bu rolda u eng zo‘ri — uning «Milan»da qilgan ishlariga qarashning o‘zi kifoya. U bilan shaxsan uchrashganman, juda oqilona fikrlaydigan inson. Agar Konte va Maldini tandemi birlashtirilsa, hammasi joyida bo‘ladi», — deya Tevesning so‘zlaridan iqtibos keltiradi Repubblica.

Shuningdek, Teves terma jamoa ustozi bo‘lishga asosiy nomzod sifatida ko‘rilayotgan Antonio Konte haqida alohida fikr bildirdi:

«Sizlarni bu vaziyatdan faqat u olib chiqa oladi. U kelgan ilk yilidayoq natija ko‘rsata olardi. Uni hech qanday shubhasiz qo‘llab-quvvatlash kerak. U men birga ishlagan eng yaxshi murabbiydir».

Teves 2013/14 yilgi mavsumda «Yuventus»da Konte qo‘l ostida to‘p surgan.