Rossiya terma jamoasining sobiq sardori Andrey Arshavin JCH-2026 o‘yinida O‘zbekiston terma jamoasining fanatlar sektoriga qanday tashrif buyurgani haqida gapirib berdi.
«O‘zbekistonda o‘rtoqlik o‘yinlarida bo‘lganimizda, andijonlik muxlislar bizda darhol katta taassurot qoldirgan edi. Jahon chempionati vaqtida ularning yoniga kirish g‘oyasi paydo bo‘ldi. Buning hammasini Seva Terleskiy («Eto futbol, brat!» ko‘rsatuvi boshlovchisi — «Chempionat» izohi) tashkillashtirdi. O‘zbekiston fanatlar tribunasidagi yigitlar ham ichkariga kirishimizga yordam berishdi. O‘zimizning chiptalar bilan ularning sektoriga kira olmasdik. Ammo eski rus odatiga ko‘ra, kimdir ichkariga kirib, keyin qaytib chiqib, chiptalarni boshqalarga uzatdi. Shu tariqa O‘zbekiston fanatlar sektoriga yorib kirdik (kulimsiraydi)», — dedi Arshavin «Chempionat» muxbiri Nikolay Baranov bilan suhbatda.
