Portugaliyalik hujumchi Krishtianu Ronaldu davom etayotgan jahon chempionatidagi sermahsulligi haqida fikr bildirdi.
«Hammasi men uchun juda yomon kechmoqda, deb o‘ylamayman... Men uchta gol urdim! Ha, kimdir mendan ko‘proq gol urgan bo‘lishi mumkin, ammo bunga ularning yaxshi natija ko‘rsatayotgani sababdir. Ko‘ramiz, ertangi uchrashuvda gol ura olarmikanman», — deya Ronalduning so‘zlarini keltiradi jurnalist Fabrisio Romano.
41 yoshli Ronaldu Jahon chempionati–2026 doirasidagi barcha to‘rtta uchrashuvda maydonga tushib, o‘z hisobiga uchta gol yozdirib qo‘yishga ulgurdi.
Dushanba, 6 iyul kuni Portugaliya terma jamoasi 1/8 final bosqichida Ispaniyaga qarshi bahs olib boradi. Uchrashuv Toshkent vaqti bilan soat 00:00 da boshlanishi rejalashtirilgan.
