Португалиялик ҳужумчи Криштиану Роналду давом этаётган жаҳон чемпионатидаги сермаҳсуллиги ҳақида фикр билдирди.
«Ҳаммаси мен учун жуда ёмон кечмоқда, деб ўйламайман... Мен учта гол урдим! Ҳа, кимдир мендан кўпроқ гол урган бўлиши мумкин, аммо бунга уларнинг яхши натижа кўрсатаётгани сабабдир. Кўрамиз, эртанги учрашувда гол ура олармиканман», — дея Роналдунинг сўзларини келтиради журналист Фабрицио Романо.
41 ёшли Роналду Жаҳон чемпионати–2026 доирасидаги барча тўртта учрашувда майдонга тушиб, ўз ҳисобига учта гол ёздириб қўйишга улгурди.
Душанба, 6 июль куни Португалия терма жамоаси 1/8 финал босқичида Испанияга қарши баҳс олиб боради. Учрашув Тошкент вақти билан соат 00:00 да бошланиши режалаштирилган.
