Shvesiyalik sobiq futbolchi Zlatan Ibragimovich JCH-2026 ning 1/8 finalida Braziliya terma jamoasining Norvegiyadan uchragan mag‘lubiyati (1:2) haqida o‘z fikrlarini bildirdi.

«Sher och bo‘lsa, ov qiladi. Bu Norvegiya menga 1994 yilgi Jahon chempionatidagi Shvesiyani eslatib yubormoqda. Ko‘ramiz, ular ham shvedlar kabi uzoqqa bora olisharmikin. Bu voqealar bir-biriga o‘xshash va bu tarixning davomini ko‘rish yoqimli.

Braziliya meni ilk o‘yindanoq ishontira olmagandi. Bugun Karlo Anchelotti amalga oshirgan almashtirishlar foyda bermadi, Solbakkenning o‘zgarishlari esa ish berdi. Norvegiya chiroyli futbol o‘ynagandek, Braziliya esa... qandaydir tushunarsiz futbol o‘ynagandek tuyuldi. Ular go‘yo shamol kuyiga raqs tushishdi», — deya Ibragimovichning so‘zlarini keltiradi «CNN Brasil».

Ma’lumot uchun, uchrashuvda Erling Xolandning dubli Norvegiyaga g‘alaba keltirdi, Braziliyadan esa yagona javob golini 90+10-daqiqada Neymar kiritdi.