Швециялик собиқ футболчи Златан Ибрагимович ЖЧ-2026 нинг 1/8 финалида Бразилия терма жамоасининг Норвегиядан учраган мағлубияти (1:2) ҳақида ўз фикрларини билдирди.
«Шер оч бўлса, ов қилади. Бу Норвегия менга 1994 йилги Жаҳон чемпионатидаги Швецияни эслатиб юбормоқда. Кўрамиз, улар ҳам шведлар каби узоққа бора олишармикин. Бу воқеалар бир-бирига ўхшаш ва бу тарихнинг давомини кўриш ёқимли.
Бразилия мени илк ўйинданоқ ишонтира олмаганди. Бугун Карло Анчелотти амалга оширган алмаштиришлар фойда бермади, Сольбаккеннинг ўзгаришлари эса иш берди. Норвегия чиройли футбол ўйнагандек, Бразилия эса... қандайдир тушунарсиз футбол ўйнагандек туюлди. Улар гўё шамол куйига рақс тушишди», — дея Ибрагимовичнинг сўзларини келтиради «CNN Brasil».
Маълумот учун, учрашувда Эрлинг Холанднинг дубли Норвегияга ғалаба келтирди, Бразилиядан эса ягона жавоб голини 90+10-дақиқада Неймар киритди.
