Ispaniya terma jamoasi Jahon chempionatlarida gol o‘tkazib yubormaslik bo‘yicha rekord seriya o‘rnatdi. JCH-2026ning 1/8 finalida Luis de la Fuente shogirdlari Portugaliyani 1:0 hisobida mag‘lub etdi.

Ispaniya terma jamoasi Jahon chempionatlarida ketma-ket oltita o‘yindan beri gol o‘tkazmayapti – turnir tarixida hali biror bir jamoa bunday natijaga erishmagan. Ispanlarning Jahon chempionatlaridagi quruq seriyasi 10 soatdan ortiq davom etmoqda.

Bundan tashqari, Ispaniya jamoasi darvozaboni Unai Simon Jahon chempionatlari uchun rekord hisoblangan gol o‘tkazib yubormaslik seriyasini 609 daqiqaga uzaytirdi. «Atletik» golkiperi turnirda so‘nggi bor JCH-2022 guruh bosqichi 3-turi doirasidagi Yaponiyaga qarshi o‘yinning 51-daqiqasida gol o‘tkazib yuborgan edi.