Angliya terma jamoasi yarim himoyachisi Jordan Xendersonning kutilmagan va pala-partish orttirilgan jarohati tafsilotlari ma’lum bo‘ldi. The Athletic nashrining xabar berishicha, «Brentford»ning tajribali futbolchisi «Asteka» stadionidagi reklama shitidan muvaffaqiyatsiz sakrab o‘tganda bilagini jarohatlab olgan. O‘sha paytda Angliya terma jamoasi o‘z muxlislari qarshisida JCH-2026 1/8 finalida Meksika ustidan qozonilgan g‘alabani (3:2) nishonlayotgan edi.
Natija — sinish, Xenderson esa faoliyatidagi so‘nggi mundialda boshqa o‘ynamaydi. Turli manbalar va OAV ushbu jarohatni futbol olamidagi eng be’mani va kulgili jarohatlardan biri deb atamoqda.
Rasman Angliya terma jamoasi hozircha Xendersonning tashxisi bilan bo‘lishgani yo‘q. Biroq «uch sherlar» ustozi Tomas Tuxel tajribali futbolchining jarohatini «jiddiy» deb baholadi. Keyingi yangiliklarni kutib qolamiz.
