Англия терма жамоаси ярим ҳимоячиси Жордан Хендерсоннинг кутилмаган ва пала-партиш орттирилган жароҳати тафсилотлари маълум бўлди. The Athletic нашрининг хабар беришича, «Брентфорд»нинг тажрибали футболчиси «Ацтека» стадионидаги реклама шитидан муваффақиятсиз сакраб ўтганда билагини жароҳатлаб олган. Ўша пайтда Англия терма жамоаси ўз мухлислари қаршисида ЖЧ-2026 1/8 финалида Мексика устидан қозонилган ғалабани (3:2) нишонлаётган эди.
Натижа — синиш, Хендерсон эса фаолиятидаги сўнгги мундиалда бошқа ўйнамайди. Турли манбалар ва ОАВ ушбу жароҳатни футбол оламидаги энг беъмани ва кулгили жароҳатлардан бири деб атамоқда.
Расман Англия терма жамоаси ҳозирча Хендерсоннинг ташхиси билан бўлишгани йўқ. Бироқ «уч шерлар» устози Томас Тухель тажрибали футболчининг жароҳатини «жиддий» деб баҳолади. Кейинги янгиликларни кутиб қоламиз.
