Krishtianu Ronaldu Portugaliya terma jamoasi jahon chempionatidan chiqib ketganidan so‘ng yig‘lab yubordi, vaholanki u hakamning yakuniy hushtagidan keyin bir necha daqiqa davomida o‘zini tutib turgan edi. 41 yoshli Ronaldu jurnalistlar bilan suhbatda o‘z ko‘z yoshlariga izoh berdi.
«O‘yindan keyingi ko‘z yoshlar? Bu shunchaki hissiyotlar edi, ammo shu bilan birga, bor kuchini bag‘ishlagan inson o‘zini hech narsada ayblay olmasligini anglash va yengillik hissi ham edi», — deya Ronalduning so‘zlarini keltiradi Record nashri.
Ma’lumki, Portugaliya Ispaniyaga minimal 0:1 hisobida imkoniyatni boy berdi. Bahs so‘ngida yarim himoyachi Mikel Merino gol muallifiga aylandi.
Krishtianu Ronaldu uchun bu faoliyatidagi so‘nggi jahon chempionati edi.
