Криштиану Роналду Португалия терма жамоаси жаҳон чемпионатидан чиқиб кетганидан сўнг йиғлаб юборди, ваҳоланки у ҳакамнинг якуний ҳуштагидан кейин бир неча дақиқа давомида ўзини тутиб турган эди. 41 ёшли Роналду журналистлар билан суҳбатда ўз кўз ёшларига изоҳ берди.
«Ўйиндан кейинги кўз ёшлар? Бу шунчаки ҳиссиётлар эди, аммо шу билан бирга, бор кучини бағишлаган инсон ўзини ҳеч нарсада айблай олмаслигини англаш ва енгиллик ҳисси ҳам эди», — дея Роналдунинг сўзларини келтиради Record нашри.
Маълумки, Португалия Испанияга минимал 0:1 ҳисобида имкониятни бой берди. Баҳс сўнгида ярим ҳимоячи Микель Мерино гол муаллифига айланди.
Криштиану Роналду учун бу фаолиятидаги сўнгги жаҳон чемпионати эди.
