2026 yilgi jahon chempionatining Norvegiya va Angliya o‘rtasidagi chorak final o‘yini qoldirilish xavfi ostida turibdi.

Bu mundialda yana bir bor ob-havo o‘z shartlarini o‘tkazmoqda. The Sun xabariga ko‘ra, Mayamidagi ob-havo sharoiti o‘yinga jiddiy ta’sir ko‘rsatishi mumkin.

Prognozlarga ko‘ra, o‘yin kuni harorat +44°C gacha issiq bo‘lishi kutilmoqda. FIFA qoidalariga ko‘ra, agar haqiqiy harorat +32°C dan oshsa, har bir bo‘limda uch daqiqalik majburiy suv ichish tanaffuslari e’lon qilinishi kerak. Bundan tashqari, qattiq issiq bo‘lgan taqdirda FIFA o‘yinni qoldirish yoki bekor qilish huquqini o‘zida saqlab qoladi.

Yana bir jiddiy muammo — momaqaldiroq xavfi. Qoidalarga ko‘ra, agar stadiondan 13 kilometr radiusda chaqmoq chaqishi aniqlansa, bahs o‘yinchilar, hakamlar va muxlislar xavfsizligini ta’minlash uchun kamida 30 daqiqaga to‘xtatilishi shart.

Shunday qilib, ob-havo eng ko‘p kutilayotgan chorak final o‘yinlaridan biriga jiddiy ta’sir ko‘rsatishi mumkin.