O‘smirlar o‘rtasidagi Osiyo kubogi final bosqichi kelasi yili O‘zbekistonda o‘tkazilishi mumkin.
Dastlabki rejaga ko‘ra, ushbu turnirga Saudiya Arabistoni mezbonlik qilishi belgilangan edi. Biroq mamlakat 2027 yili kattalar o‘rtasidagi Osiyo kubogiga mezbonlik qilishi sababli, o‘smirlar o‘rtasidagi musobaqani o‘tkaza olmasligini bildirgan.
Shundan so‘ng, Osiyo futbol konfederasiyasi (OFK) turnir mezbonligini O‘zbekistonga topshirish variantini ko‘rib chiqmoqda. Ayni vaqtda OFK musobaqalarni o‘tkazish qo‘mitasiga tegishli xat yo‘llangan.
Agar tashkilot ushbu arizani rasman tasdiqlasa, U-17 Osiyo kubogi kelasi yilning 12–29-may kunlari O‘zbekistonda bo‘lib o‘tadi. Uchrashuvlarga «Do‘stlik»dagi terma jamoalar markazi mezbonlik qilishi rejalashtirilgan.
